Mutauriri wemapurisa Assistant Commissioner Paul Nyathi vaudza Studio 7 uye vakanyora padandemutande reTwitter kuti mapurisa ari kuferefeta mhirizhonga yezvematongerwo enyika yakaitika paNembudziya High School Grounds kuGokwe, Midlands apo pakakuvara munhu mumwe chete uye pamusangano webato rinopikisa reCitizens Coalition for Change kwaChivi kuMasvingo.
Munhu mumwe chete anonzi atosungwa nenyaya iyi uye vamwe vanonzi vakaita chitsoka ndibereke vachitiza.
Vati vachazivisia munguva pfupi inotevera nezvekuferefeta kwavo zvakakonzera mhirizhonga iyi. Asi kunyangwe mapurisa ari kuti achiri kuferefeta nyaya iyi, kukandirana makobvu nematete kwatanga pakati pebato reZanu-PF neTripple C.
Vanokokera ZANU PF mudare reparamende VaPupuirai Togarepi varamba kuti bato ravo rinoita zvemhirizhonga vachipomera bato reCCC mhosva yekuda kutanga nyaya dzekurwisana.
Your browser doesn’t support HTML5
Hurukuro naVaPupurai Togarepi
Asi vakafanobata chigaro chemurongi wemisangano mubato reCCC VaAmos Chibaya vaudzawo Studio 7 kuti Zanu-PF ndiyo inozivikanwa nenyaya yemangoromera.
Your browser doesn’t support HTML5
Hurukuro na Va Amos Chibaya