Muchirongwa chedu chemagitare chesvondo rino taita hurukuro nemuimbi wenziyo dzechitendero, Apostle Chosen Jaji, avo vakaberekerwa kuBuhera asi pari zvino vave kugara muHarare nemudzimai wavo nevana vaviri.
Vaparura dambarefu ravo idzva rinonzi “Hondo muMakerereke”, iro ravanoti nderechipiri kubva zvavakatanga kuita zvemagitare. Apostle Jaji vanoti mimhanzi yavo iri kutambirwa zvakanyanya muvanhu sezvo vachiimba shoko rine mharidzo inobetsera vazhinji muhupenyu hwavo.
Your browser doesn’t support HTML5
Vhidheyo yekuona - Apostle Chosen Jaji
Asi vanoti vanosangana nemamwe metambudziko anosanganisira kushaiwa mari dzakakwana dzekuti vagone kutsikisa nziyo nemavhidhiyo akanaka anofarirwa nevateereri, mari dzekutakurisa midziyo yekushandisa pakuridza kuma gungano avanoita uyewo kutsvagisa zvikwanisiro zvinoita kuti basa ravo rifambe zvakanaka.
Vachipa mashoko kuvateereri nevatsigiri vavo, vanoti vanopa kutenda zvikuru nerutsigiro rwavanowana kubva kune vakawanda.
Vanoda kuteerera mimhanzi yaApostle Jaji kana kuvateverawo mumadandemutande vanogona kuvawana paFacebook, Twitter, Instagram neYoutube, uye vanobatika panhamba dzenhare dzinoti +263 773 758 323. Nhamba idzi ndidzowp dzvanoshandisa paWhatsapp zvakare.
Your browser doesn’t support HTML5
Hurukuro na Mufundisi Chosen Jaji-WOZA FRIDAY