Amai Jill Biden, mudzimai wemutungamiri wenyika yeAmerica VaJoe Biden, avo vari kushanya kuNamibia parizvino vasati vaenda kuKenya vaitirwa mabiko nhasi nemutungamiri wenyika iyi VaHage Geingob nemudzimai wavo.
Papera mabiko aya, VaGeingob naamai Biden vasanganawo zvakare nemasangano akazvimirira oga vakazeya nyaya dzekodzero dzemadzimai, dzevechidiki uye nyaya yechikafu kana kuti (food security.) Amai Biden vataurawo zvakare pamusoro pezvirongwa zvinokwanisa kuunza kudyidzana pakati peAmerica ne Namibia nerutsigiro rwuchapihwa nyika iyi neAmerica.
U.S. First Lady Jill Biden, right, reacts during a visit to a U.S. President's Emergency Plan for AIDS Relief (PEPFAR) project at an informal settlement near Windhoek, Namibia, Thursday, Feb. 23, 2023.
Mangwana amai Biden varikutarisirwa kusangana nevechidiki vachizeya nyaya yehutongi hwejekerere.
Kushanya kwa amai Biden kunotevera vimbiso yakaitwa naVaBiden kumusangano we US Africa Leadership Summit gore rapera kuti hurumende yavo ichange ichisimbaradza hukama hwayo neafrica gore rino.
Nyanzvi munyaya yekodzero dzemadzimai Amai Fortunate Hove Cooper vanoti kushanya kwa Amai Biden kuAfrica kunokudzwa sezvo kuchaunza pundutso pamusoro pezvimwe zvipingaidzo zvinotariswa nemadzimai nyaya nevechidiki vemu Africa.
Your browser doesn’t support HTML5
Hurukuro naAmai Fortunate Hove Cooper