Muchirongwa chedu chemagitare chesvondo rino, taita hurukuro nemuimbi wechidiki anonzi Desire Mudewe, uyo anoimba nziyo dzechitendero.
Muimbi uyu anoti akatanga kuita zvemagitare kuburikidza nekukereke kwaanoenda nevabereki vake, avo vaanoti vanomutsigira zvakanyanya murwendo rwake rwezvemimhanzi.
Mudewe anoti vabereki vake vanofarira kuti akasarudza kuimba nziyo dzechitendero sezvo ivo vari vatendi.
Upcoming Gospel Artist Desire Mudewe
Anoti munharaunda yaanogara yeKuwadzana, muHarare, veruzhinji vari kutambira mimhanzi yake zvakanaka, asi anoti haasati ave kukwanisa kuita nziyo dzakawanda pamwe nemavhidhiyo, izvo zvaanoti zvinokonzerwa nekushaya mari inokwana zvaanoda kuita.
Muimbi wechidiki uyu anotiwo chimwe chichiri kuitikawo kwaari kushanda nevanotsikisa mimhan zi vachiri kusimukirawo vasati vave nezvikwanisiro zvepamusoro mukubika mimhanzi yakakwenenzverwa zvakanaka.
Vanoda kubata Desire vanomuwana panhamba yerunhare inoti +263 785 232 501 kana kuti +263 719 980 600.
Dzimwe dzenziyo dzaari kufadza nadzo veruzhinji pari zvino ndedzinoti "Munyengetero Wangu" na"Ndoda Kuziva Imi."
Your browser doesn’t support HTML5
Hurukuro na Desire Mudewe- WOZA FRIDAY