Munyika maita gakava guru panyaya yekuti mutemo wekutongera vanhu rufu urambe uripo here kana kuti kwete. Bazi rezvemitemo rinoti richishanda nesangano reCentre for Applied Legal Research nemuzinda weSweden muZimbabwe richatanga kunzwa pfungwe dzevanhu panyaya iyi.
Pamubvunzo wakabvunzwa neStudio 7 padandemutande reFacebook nezvenyaya iyi, vamwe vari kuti vanenge vabatwa nemhosva dzekuponda vanofanira kuurayiwa asi vamwe vachiti ngavagare mujeri kwehupenyu hwavo hwose.
Mutungamiri wenyika VaEmmerson Mnangagwa vakagara vati havadi kuti vanhu vatongerwe rufu uye Zimbabwe yakapedzisira kuuraya musungwa ainge atongerrwa rufu muna 2005.
Mukuru weCatholic Commission for Justice and Peace Zimbabwe Father Phillip Kembo vaudza Studio 7 kuti vanotsigira danho rekuti munyika musatongerwe rufu. Vatiwo pachikristu hazvitenderwe kutongera vanhu rufu.
Your browser doesn’t support HTML5
Hurukuro na Father Philip Kembo