Hondo yemuSudan iri kuenderera mberi pasina bato ririkuda kuremekedza kurudziro yekumbokanda zvombo pasi.
Sangano rinobatsira nechikafu reWorld Food Programme rine vashandi vatatu vakaurayiwa munyika iyi rinoti vanhu vanodarika mamiriyoni gumi nemashanu kana kuti 15 million vanoda rubatsiro rwechikafu.
Vanhu vanodarika mazana mashanu vafa muhondo iyi.
Zimbabwe nedzimwe nyika dzakatoburitsa zvimwe zvizvarwa zvadzo muSudan.
Vari kurwisana mauto akapidigura hurumende nechikwata chakavapandukira chinonzi Rapid Support Forces.
Muzvanafundo Urayayi Zembe
Mutungamiri webato rinopikisa reDemocratic Party uye vari nyanzvi munyaya dzezvematongerwo enyika muzvinafundo Urayayi Zembe vanoti hondo yemu Sudan icharamba ichitsviriridza sezvo vemauto varikurwisana vasiri kuda kuremekedza kurudziro yekumisa hondo kana kutaurirana.
Vanhuwo zvavo ndivo vari kutarisana nechitsviku muSudan sezvo zvekudya zvave kushaika.
Your browser doesn’t support HTML5
Hurukuro naMuzvinafundo Urayai Zembe