Chikwaa cheHighlanders chaita mangange neSheasham asi ndokudzokera pamusoro pgungano reCastle Lager Premier Soccer League. Michael Kariati anotitaurira kuti zvikwata zvamira sei muhurongwa hwetafura PSL.
Highlanders iyo isati yadziwa kana matambo mumwe chete yaita mangage 0-0 neSheasham nhasi masikati.Poindi iyi yaabva yapa kuti iiende pamusoro pegungano rePSL mushure mekunge Caps United yambotungamira nezuro mushure mekukunda Yadah 1-0.
Highlanders neSheasham dzasangana munhandare yeBata Stadium ikuGweru yo yavhurwa nhasi mushure memakore akati wandei isingashandiswe.
Ongororo yakaitwa neZifa nePSL yakaona nhandare iyi yave kukodzera kutambirwa nhabvu yepamusoro zvichitevera gadziriso yakaitwa.
Kutamba pamberi pevatsigiri vayo uku kwabatsira Sheasham iyo yatora poindi imwechete yakakosha nechikwata chiri kubaka moto cheHighlanders ichi.
Nemangange aya, Highlanders yadzokera pamusoro pegungano iri nemapoinzi gumi nemashanu yakaenzana ne Caps United.
Asi Bosso iri pamusoro peMakepekepe nezvibodzwa.
Sheasham yacho iri pachinhanho chegumi nembiri nemapoinzi mapfumbamwe mugungano rezvikwata gumi nezvisere.
Murairidzi weSheasham John Nyikadzino anoti chinangwa chavo kunzvenga kubuda muPSL mwaka uno
Hwange, iyo yatangawo nhasi kushandisa nhandare yayo Colliery Stadium yarohwa pamusha payo 3-0 neBulawayo Chiefs.
Asi vatsigiri veDynamos vari kuchema mushure mekunge chikwata chavo chatadza kurova Triangle pamusha muNational Sports Stadium nhasi ndokuita mangange 0-0.
Mutsigiri weDynamos VaClayton Maticha vanoti chikwata chavo chinofanira kuwedzera mwando kudarika matambiro achiri kuita.
Mumwe mutsigiri wechikwata ichi VaTinwell Tanyara vanoti murairidzi wavo Hebert Maruwa haana mhosva nekuti asangana nematambudziko akawanda kuchikwata ichi.
Kwatambwa mitambo misere, zvikwata zvina zviri pamusoro - soro ndeizvi…
Highlanders 15 points
Caps United 15 points
Ngezi Platinum Stars 13 points
FC Platinum 12 points.
Zvikwata zvina zviri pasi pasi I,
Yadah 7 points
Green Fuel 6 points
Cranbourne 5 points
Black Rhinos 5 points
Black Rhinos neNgezi Platinum Stars ririkufamba mutambo wadzo wechisere muNational Sports Stadium neChitatu.
Your browser doesn’t support HTML5
Nyaya Ina Michael Kariati