Mamwe mapato ezvematongerwo enyika madiki nemamwe masangano akazvimirira oga anosvika makumi matatu nemashanu kusanganisira reOperation Dudula aratidzira pamahofi emutungamiri wenyika yeSouth Africa VaCyril Ramaphosa achikurudzira kuti vadzinge zvizvarwa zvedzimwe nyika zvisina magwaro ekugara zviri pamutemo.
Kuratidzira uku kuri kuuya apo magwaro ezvizvarwa zveZimbawe zvinodarika zviuru zana nemakumi manomwe nemasere kana kuti 178 000 osvika kumagumo mwedzi uno zvichitarisirwa kudzingwa kana dare repamusoro rikasatara kuti zvibvumidzwe kugara munyika iyi.
Asi pane mukana wekuti kana dare iri rikawirirana nehurumende kuti zvidzingwe, zvizvarwa izvi zvinokwanisawo kuenda kudare repamusoro.
Mutungamiri weOperation Dudula VaPatrick Mokgalusi vaudza nhepfenyuro yeSABC News kuti vari kuda kuudza VaRamaphosa nemakurukota avo kuti vaneta nekungovmbisa kwavari kuita kuti vachadzinga vabvakure vachiti vanoda kuti vakombwe vadzoserwe kunyika dzavo.
Sachigaro weAfrican Disapora Forum Doctor Vusimusi Sibanda vashora zvikuru zviri kuitwa nemasangano aya.