Muchirongwa chedu chemagitare chesvondo rino tine hurukuro nemuimbi we chidiki ave kugara muno mu America achiimba musambo we Afro Jazz, Clare Nyakujara. Clare achange achiridza magitare kumhemberero dzezuva re kucherechedzwa kwe chirikadzi musi wa18 Chikumi ku Texas kumabiko achange achitungamirwa nemasangano anoti re Hype Voyage nere York Africa.
Clare anoti akatanga kuita zvemagitare aine Makore gumi nemapfumbamwe ku Zimbabwe.Akaimbawo nevamwe vaimbi vane mukurumbira murwendo rwake rwemagitare, vanosanganisira Willom Tight, Dino Mudondo, Dumi Ngulube na Mateo.
Your browser doesn’t support HTML5
Vidhiyo ya Clare Nyakujara
Anoti paakatanga zvemagitare, vabereki vake vaisa zvifarira asi nekuzoona shungu dzake nechipo chake, vakazozvigamuchira kuti ndiro basa raaive asarudza kuita muhupenyu. Ikozvino ave kurarama nekuimba muno mu America.
Anoti vanhu vari kutambira mimhanzi yake chero vamwe kuno ku America vasinganzwi mutauro wake we Chishona.
Vanoda kumubata kana kutsvagawo mimhanzi yake, vanomubata pa dandemutande rake rinoti www.clarenyakujara.com kana kumutumira tsambambozha pa email inoti clare@clarenyakujara.com kana kumutsvagawo pa FaceBook @Clare Nyakujara.
Your browser doesn’t support HTML5
Hurukuro na Clare Nyakujara