WASHINGTON —
Vatsigiri venhabvu muZimbabwe nepasi rose vanotevera chikwata chenhabvu cheManchester City chekuEngland vari kufara zvikuru mushure mekunge chikwata chavo chatora mukombe weUEFA Champions League manheru eMugovera.
Manchester City yatora mukombe uyu mushure nekurova Inter Milan yekuItaly 1-0 mumutambo watambirwa kuIstanbul, kuTurkey.
Manchester City.
Chibodzwa cheMan City chabva kuna Rodrigo Hernández’, icho chapinda mumambure mumaminitsi makumi matanhatu nematanhatu, (66).
Uyu ndiwo mukombe weMan City weChampions League wekutanga, uye mwaka uno chikwata ichi chatora mikombe yose mikuru mitatu yenhabvu inoti FA Cup, neligi yeEPL.
Munzira yekuenda Man City yakarova zvikwata zvine mbiri zvinoti Leipzig, Bayern Munich ne Real Madrid mumakwikwi aya.