Vaimbova mutungamiri wenyika yeAmerica VaDonald Trump vari kutarisirwa kumiswa pamberi pedare kuMiami, Florida mangwana vachipomerwa mhosva yekufukura hapwa nekutora mapepa ehurumende akakosha kubva kumuzinda weWhite House pavakakundwa sarudzo vachienda navo kumba kwavo kuFlorida pavakakundwa sarudzo.
VaTrump vange vachiferefetwa nezvenyaya iyi vari kupomerwa mhosva makumi matatu nenomwe kana kuti 37 dzine chekuita nenyaya iyi kusanganisa kutaura nevamwe vanhu nezvakavanzika.
Asi vaTrump vari kuramba nyaya iyi vachiti zviri kuitwa nemutungamiri wenyika VaJoe Biden vavanoti vari kukundwa navo musarudzo. Muzinda weWhite House unoti haupindire zviri kuitika kumatare.Vari kuramba mhosva iyi.
Gweta rinorwira kodzero dzevanhu VaKennedy Masiye vanoti nyaya iri kupomerwa VaTrump yakakomba. Asi vati havaone ichinyanya kuvakanganisa kukunda musarudzo dzemaprimary dzebato ravo sezvo vaine rutsigiro rwakasimba.
Your browser doesn’t support HTML5
Hurukuro naVaKennedy Masiye