Hurongwa hwekugadzirira sarudzo dzemusi wa 23 nyamavhuhvu huri kuenderera mberi munyika bato rinopikisa recitizens coalition for change nereZanu-PF achiita gadziriro.
Svondo rino, bato reZanu-PF riri kutarisirwa kuparura hurongwa hwaro hwesarudzo kana kuti “election manifesto”.
Munyori anoona nezvemabasa mubato iri VaMike Bimha vanoti hurongwa uhu huchaitirwa kuchipinge. Bato reTripple C range richikwenenzverawo mazita evacharimirira mubato nezuro nanhasi.
Vamwe vanoona nezvematongerwo enyika vanoti zvainge zvakakosha kuti bato iri rikurumidze kubuda pachena nemazita evakakunda kuitira kuti vapinde mundima sezvo Zanu-pf itori kusakura.
Asi vanoona nezvekurongwa kwemabasa muCCC VaAmos Chibaya vati hurongwa hwavo hwapera vatove nevamiriri asi varamba vakamira nerekuti vachazivisa vakakunda nemusi weChitatu.
Your browser doesn’t support HTML5
Hurukuro naVaAmos Chibaya