Mutungamiri webato rinopikisa, reCitizens' Coalition for Change, VaNelson Chamisa, vapinda mumaruwa nemapurazi eMarondera West, uko vasangana nevatsigiri vebato ravo pasi pechirongwa chebato ravo chemugwazo.
VaChamisa vanonzi vatorawo mukana uyu kuratidza kunhengo dzavo vachakwikwidza vakamirira bato ravo musarudzo dziri kuuya muna Nyamavhuvhu gore rino.
Mutevedzeri wemutauriri webato iri, VaGift Ostalos Siziba, vanoti bato ravo richaramba richipinda mumaruwa emunyika yose richisangana nevagari senzira yekuvayeuchidza kuti vabude vaende kunovhota, sezvo vakanyoresa kuvhota.
Vanoti vari kuparura hurongwa hwebato ravo hwekutsvaga rutsigiro pamberi pesarudzo mumazuva mashoma anotevera, uye vachange vachitora mukana wemisangano yavachaita kuratidza nhengo dzavo vanhuvvachakwikwidza vakamirira bato kuitira kuti vanovhota vazive vekuvhotera sezvo paine dambudziko revamwe vavanoti vakapinda musarudzo zvechikiribidi.
Your browser doesn’t support HTML5
Hurukuro naVaGift Ostalos Siziba