Chikwata cheZimbabwe chazviisa panguva yakaoma munzira yekuenda ku2023 World Cup mushure mekurohwa neSri Lanka muQueens Sports Club nhasi masikati.
Zimbabwe yarohwa nemawiketsi mapfumbamwe ndokusara iine mutoro wakaoma wekurova Scotland neChipiri kuti ikwanise kubudirira kuenda kuWorld Cup kuIndia.
MaChevrons anga achifanira kukunda kuti awane tikiti reWorld Cup iri zvisina kushupikira asi mawiketsi avo adonha nechimbi chimbi kutanga Joylord Gumbi, Wesley Mandevere, kuchizouya Craig Ervine muma-ovha matanhatu ekutanga.
Kukunda uku kwapa Sri Lanka tikiti rekuenda kuWorld Cup asi Zimbabwe yave nemutoro wakaoma wekurova Scotland mumutambo wavo wasara.
Izvi zvikasaitika, Scotland ikazorova zvekare Netherlands musi wechina, Zimbabwe inosara kumba, Sri Lanka neScotland dzichienda kuIndia.
Maipiro aita zvinhu ndeekuti, Netherlands ikarova Oman mangwana neScotland nechina, Zimbabwe yorohwa neScotland, Netherlands ndiyo inokwanisa kubudirira kuenda kuWorld Cup.
Pakapedzisira kuitwa makundano eICC World Cup Qualifier aya muHarare zvekare, Zimbabwe yakatanga zvakanaka seizvi asi ikazokundikana yarohwa neUnited Arab Emirates, zuva rekupedzisira kwemitambo.
Vamwe vatsigiri vemutambo uyu vanga vachiita gakava nhasi masikati kuti Zimbabwe ichabudirira here kana kuti
Asi mutsigiri wemaChevrons VaPhillip Regede vanoti Zimbabwe ngaikanganwe zvaitika nhasi neSri Lanka asi kuti itarise zvemutambo urikutevera .
Mitambo yekiriketi ichiri kuenderera mberi kusvika nesvondo apo pachatambwa fainari yemaQualifier muHarare Sports Club.
Castle Premier Soccer League
Izvi zvakafanawo nemitambo yeCastle Lager Premier Soccer League iyo yaendererawo mberi nhasi mushure mekudzoka nezuro.
Highlanders yadzokera pachinzvimbo chechipiri mushure mekurova Caps United 2-1 muBarbourfields Stadium pamberi pechaunga chinotyisa.
Highlanders iyo yave nemapoinzi makumi maviri nemashanu iri pasi peNgezi Platinum Stars nepoindi imwechete.
Asi nyaya nhasi ndeye kukunda kwaita Dynamos iyo yarova Black Rhinos 2-1 muBata Stadium, nhandare iyo zvikwata zviviri izvi zvatamba zvese kekutanga munhoroondo yenhabvu munyika.
Rhinos yanzi yambobuda munhandare mushure mekunge Dynamos yapihwa penareti.
Rhinos neDynamos dzirikushandisa Bata Stadium semusha wadzo kubvira pakavharwa National Sports Stadium masvondo matatu apfuura.
Mitsigiri weDynamos VaPhilosophy Nyakundi vanoti kutambira muBata kunopawo mukana wemunharaunda iyi kuonawo Dembare pamusuwo pavo.
Mimwe mitambo yanhasi yapera seizvi …
Triangle 2 Cranbourne 1
Herentals 2-Simba Bhora 1
Tennis
Mutambi wemuZimbabwe Benjamin Lock apotsa mukombe mukuru weMedellin Open mushure mekurohwa mufainari 2-0 naPatrick Krypson wekuUSA nezuro manheru.
Lock ari kukwikwidza mumakundano makuru eATP Challenge umo ari kugadzirira zvekare kumirira Zimbabwe mumakwikwi eDavis Cup.
Your browser doesn’t support HTML5
Nyaya Ina Michael Kariati