Vachuchusi vehurumende vaburitsa mashoko kuvatori venhau vachiti vari kuzopikisa mutongo wakapihwa nezuro nedare repamusoro panyaya yekupambwa kwainge kwaitwa mumiriri weHarare West mudare reparamende Muzvare Joanna Mamombe uye imwe nhengo yebato ravo Muzvare Cecilia Chimbiri.
Mutongi wedare repamusoro, Judge Priscilla Munangati-Manongwa nezuro vakapa mutongo wekuti Muzvare Mamombe naMuzvare Chimbiri vainge vasina mhosva panyaya yavaipomerwa yekuti vainge vanyepera kuti vainge vapambwa muna 2020.
Vakati mapurisa nevachuchisi vainge vatadza kuroverera vaviri ava nemhosva uye mutongi wedare ramejasitiriti ainge asiri kubata zvakanaka kutongwa kwenyaya iyi zvakapa kuti dare repamusoro ripindire.
Asi hurumende inoti mutongi haan simba rekuti apindire paanyaya iri mune rimwe dare. Izvi zviri kurambwa nemamwe mageta ari kuti hurumende yave kutsvaga uta nemugate.
Gweta rinorwira kodzero dzevanhu uye aimbova mejasitiriti vachishanda nesangano reZimbabwe Human Rights NGO Forum VaWilbert Mandinde vaudza Studio 7 kuti hapana chakaipa chakaitwa nemutongi wedare repamusoro vachiti zviri mubumbiro remitemo.
Your browser doesn’t support HTML5
Hurukuro naVaWilbert Mandinde