Sachigaro wesangano reZimbabwe Election Support Network VaAndrew Makoni vanoti vanotambira danho reZimbabwe Electoral Commission kana kuti ZEC rekuti svondo rino ichapa vari kukwikwidza musarudzo dzenhengo dzedare reparamende nemakanzuru gwaro revavhoti kana kuti voters roll.
Vanoona nezvekufambiswa kwesarudzo musangano reZEC VaUtoile Silaigwana vaudza bepanhau reSunday Mail kuti vachapa vari kukwikwidza ava gwaro iti nemusi weChina.
Vari kukwikwidza musarudzo yemutungamiri wenyika vakatopihwa kare gwaro iri. Sarudzo dziri kuitwa musi wa 23 Nyamavhuvhu.
Vanopikisa veCitizens Coalition for Change vakatomboendesa ZEC kumatare nekusapihwa garo revavhoti iri.
Asi matare akatsigirana neZEC kuti imbomisa kupa vari kukwikwidza gwaro revavhoti pachityirwa kuti rinogona kuzokanganisa nevemasangano akaita sePachedu.
Asi VaMakoni vanoti zvaitaurwa neZEC ndezvemugotsi matsuro sezvo nyika dzakawanda dzinopa vari kukwikwidza dzisingaite matambudziko ari kutaurwa neZEC.
Your browser doesn’t support HTML5
Hurukuro naVaAndrew Makoni