Nhumwa yeAmerica munyaya dzezvekushanduka kwemamiriro ekunze kana kuti “climate envoy” VaJohn Kerry vaudza mumwe mukuru wehurumende yeChina VaLi Qiang kuti nyika dzavo dzinofanira kuita mushandirapamwe kugadzirisa matambudziko ekushanduka kwemamiriro ekunze.
VaKerry vari muChina uye vaitawo musangano nevakuru vebato riri kutonga reChinese Communist Party.
Vachitaura nevatori venhau, VaKerry vatiwo mutungamiri wenyika yeAmerica VaJoe Biden vane chivimbo chekuti nyika mbiri idzi dzinokwanisa kufambisa mberi nyaya yekumisa kusvibiswa kwemweya wekufema sezvo dziri nyika dzakabudirira kudarika dzimwe pasi rose uye dziriwo dzinonyanya kusvibisa mweya wekufema kana kuti carbon emissions