Mutungamiri wesangano re Amalgamated Rural Teachers Union Of Zimbabwe (ARTUZ) VaObert masaraure vanoti vakanyorera bazi rezvedzidzo tsamba yekukumbira kuti zvikoro zvivharwe mwedzi uno sezvo huwandu hwevadzidzisi vanoti vari kushungurudzwa nenyaya dzezvematongerwo enyika urikuramba uchikwira munyika.
Vadzidzisi mazana matanhatu vanonzi vakamhan’ara nyaya dzekumbunyikidzirwa kodzero dzavo.
Asi mutauriri webazi rezvedzidzo VaTaungana Ndoro vati zvikoro zvichavharwa musi wa 3 Nyamavhuvhu hapana chachinja. Varamba nyaya yekuti vanhu vari kumanikidzwa kuenda kumisnagno.
Asi VaMasaraure vati, "Vadzidzisi vane chitsama vanobva munzvimbo dzakasiyana siyana munyika vanoti vari kutarisana nemhirizhonga iri kukonzerwa nezve matongorwo enyika izvo zvinokwaniswa kumiswa kana zvikoro zvikavharwa mwedzi uno pane hurongwa huripo hwekuti zvivharwe mwedzi uno uya sarudzo dzisati dzatanga," VaMasaraure vaudza Studio 7.
Your browser doesn’t support HTML5
Hurukuro naVaObert Masaraure