Mapurisa emuSouth Africa anoti munhu mumwe chete akafa, vamwe makumi mana nevasere vakakuvara muJohannesburg nezuro mushure mekunge inofungidzirwa kuti Igas yaputika mumigwagwa inoti Bree naRissk.
Mumiriri weZimbabwe muSouth Africa VaDavid Hamadziripi vaudza Studio 7 kuti kusvika parizvino havasati vanzwa kuti pane chizvarwa cheZimbabwe chakakuvara here muchiitiko ichi.
Asi mukuru wesangano revanotenga nekutengesa zvinhu vachienda kunze reInternational Cross Border Traders Association VaDennis Juru vaudza Studio 7 kuti nzvimbo yakaputika iyi ndiyo inoendwa nezvizvarwa zveZimbawe zvakawanda zvinenge zvichienda kunohodha kuSouth Africa.
Mapurisa emuSouth Africa audza vatori venhau nhasi kuti achiri kuferefeta nyaya iyi.
Your browser doesn’t support HTML5
Hurukuro naVaDennis Juru