Muchirongwa chedu chemagitare chesvondo rino taita hurukuro nemuimbi anorova musambo weAfro Fusion achiimba ari muHarare, Lenin Zvidzayi Guveya.
Lenin audza Studio 7 kuti akazvarirwa kwaMachipisa mumusha weHighfields muHarare, uye akakurira mumhuri yaiita zvemagitare sezvo baba vake vaiimbawo mumazuva avo nezvikwata zvakasiyanasiyana.
Anoti akazotanga kuimbawo nechikwata chemumwe muimbi ane mukurumbira, Roki, uko kwaanoti ndiko kwaakazotangawo kunyora nekutsikisawo mimhanzi yake.
Iye zvino ane kambo katsva kaanoti veruzhinji vari kufarira kanonzi “Free Wifi”, kakaburwa mazuva mashoma apfuura.
Your browser doesn’t support HTML5
VIDHEYO YEKUONA- Lenin Guveya
Lenin anoti anotenda vatsigiri vake nekutevera mimhanzi yake uye anoti inowanikwa padandemutande reYouTube nezita rechikwata chaanoimba nacho cheVaDzimba Band.
Anoti vanoda kumubata vanomuwana panhamba dzenharembozha dzinoti +263 787 155 825 kana patsambambozha inoti lguveya09@gmail.com
Tinokupai chimwe chirongwa chemagitare nemusi weChishanu svondo rinouya.
Kune vaimbi vanoda kuti titaure navo pachirongwa chedu pano paStudio 7 tibateyi panhamba dzeWhatsapp dzinoti +1 202 465 031.
Your browser doesn’t support HTML5
Hurukuro Na Lenin Zvidzayi Guvheya.