Mutori wenhau ange aine mukurumbira zvikuru jan rath aradzikwa kumarinda eGlen Forest muHarare nhasi.
Ange ave nemakore makumi manomwe nemashanu. Raath akashaya nemusi weChitatu mushure mekurwara kwenguva pfupi.
Muna 2005 Raath akamanikidzwa kumboenda muhupoteri kuSouth Africa mushure mekupomerwa mhosva yekusora achinzi aishanda nevamwe vatori venhau vakaita saAngus Shaw weAssociated Press, Brian Latham weBloomberg nemumwe mutori wemifananidzo, Tsvangirai mukwazhi. Asi nyaya iyi yakazongopera nekushaya humbowo.
Raath aishandira bepanhau rekuBritain reThe Times akambosungwawo nemapurisa emuna 2013 mushure mekunyora kuti Zimbabwe yainge yatengesera Iran uranium inogadzira zvombo zvenuclear.
Mutori wenhau uye akambotungamira sangano revatori venhau reMISA- Zimbabwe Rashweat Mukundu audza Studio 7 kuti nyika yarasikirwa nemunhu aive neruzivo rwakadzama mukuburitswa kwemashoko.
Your browser doesn’t support HTML5
Hurukuro naVaRashweat Mukundu