Zvimwe zvizvarwa zveZimbabwe zviri muAmerica zvaratidzira pamuzinda weUnited Nations muNew York uko kune musangano weUnited Nations Genera Assembly, zvichinyunyuta nekwazvinoti kutyorwa kwekodzero dzevanhu muZimbabwe nehurumende yaVaEmmerson Mnangagwa.
Mumwe wevaratidzira ava, VaKennedy Masiye, vanove gweta rinorwira kodzero dzevanhu, vanoti kunyange hazvo varatidzira VaMnangagwa vakatotaura kare kumusangano uyu, vana veZimbabwe vari kuda kuti vatungamiri vedzimwe nyika vari kupindawo musangano uyu vanzwe kuchema kwavo kuitira kuti vatsiurewo VaMnangagwa.
VaMasiye vanoti vanhu varatidzira muNew York vanosanganisirawo nhengo dzebato rinopikisa reCitizens’ Coalition for Change dziri muAmerica neCanada.
Asi nhengo yeZanu PF, Doctor Masimba Mavaza, vanoti danho revana veZimbabwe varatidzira ava harina zvarinobatsira kuZimbabwe kunze kwekungonyadzisa mutungamiri wenyika pamwe neZimbabwe.
Your browser doesn’t support HTML5
Hurukuro naVaKennedy Masiye
Your browser doesn’t support HTML5
Hurukuro naDoctor Masimba Mavaza