Chimwe chizvarwa cheZimbabwe chiri muTel Aviv Israel, Muzvare Vivian Bhebhe vanoti vanhu vemuguta iri vachiri vakabatira hura mumaoko zvichitevera kurwisana kunotyisa kapati peIsrael nechikwata cheHamas chekuPalestine .
Muzvare Bhebhe vaudza kuti nhasi havana kuenda kubasa nekutyira kurwiswa.
Vivian Nomalanga Bhebhe
MuIsrael munonzi mafa vanhu vanodarika mazana matanhatu kana kuti 600 uye mudunhu reGaza, muPalestine munonzi mafa vanhu vanoda kusvika mazana mana kana kuti 400. Hamas inonzi yapamba vamwe vanhu vanoda kusvika zana.
Zviuru nezviuru zvevanhu zvakuvara mukurwisana uku. Chikwata cheHamas chakatanga kurwisa Israel zvakasimba nezuro zvo zvainge zvisingatarisirwe neIsrael zvakapa kuti varwi vechikwata ichi vakwanise kupinda mumaguta akawanda eIsrael.
Hondo iyi yave kutyirwa kuti ichapararira mudunhu reMiddle East uye chikwata cheHezbollah chiri muLebanon chatotanga kukandawo zvombo muIsrael. Hamas inonzi iri kutsigirwawo neIran.
Mutungamiri wenyika yeAmerica VaJoe Biden vatotumirawo zvombo kubatsira Israel.
Your browser doesn’t support HTML5
Hurukuro naMuzvare Vivian Bhebhe