Vanhu vanosvika chiuru chimwe chete nemazana maviri vanonzi vafa muhondo inotyisa pakati peIsrael nechikwata cheHamas chekuPalestine.
Vakuru vehurumende yeIsrael vanoti vanhu vanodarika mazana manomwe vafa uye Palestine inoti vanhu vanodarika mazana mashanu vafa.
Hamas yakarwisa Israel mushure mekupinda munyika iyi ichishandisa, zvikepe nemotokari.
Musi weSvondo, mauto eIsrael akawana mitumbi yevanhu mazana maviri nemakumi matanhatu panzvimbo iri pamuganhu weGaza neIsrael.
Hamas yakapambawo vanhu vazhinji, kusanganisa zvizvarwa zveAmerica.
Nemusi weSvondo, hurumende yeIsrael yakazivisa kuti yave mukati mehondo ikatanga kupfura nekudhiritsa zvivakwa zvizhinji muPalestine.
Nyanzvi mune zvehupfumi vachidzidzisa paDeVry University, Muzvinafundo Elliot Masocha, vari kuyambira kuti muZimbabwe nedzimwe nyika mitengo yezvinhu inogona kukwira nekuda kwekusagadzikana muMiddle East.
Your browser doesn’t support HTML5
HURUKURO NAMUZVINAFUNDO ELLIOT MASOCHA.mp3