Vaimbova mumiriri weZengeza West mudare reparamende VaJob Sikhala vebato reCCC vanonzi vave kurwara zvakanyanya vari kujeri reChikurubi.
Gweta ravo VaFreddy Masarirevhu vaudza Studio 7 kuti ichokwadi kuti VaSikhala vari kurwara uye vaonekwa nachiremba nhasi. VaSikhala vakasungwa musi wa 14 Chikumi gore rapera vachipomerwa mhosva dzakawanda kusanganisira dzekupesvedzera mhirizhonga. Vari kuramba mhosva idzi.
VaSikhala vakanyimwawo mukana wekubvisa mari yechibatiso kanoda kusvika kagumi. Vebato reCCC vanoti VaSikjala vari kushungurudzwa nenyaya dzezvematongerwo enyika.
Asi gurukota rezvemitemo VaZiyambi Ziyambi vanoti hurumende haipindire pane zvinenge zvichiitika kumatare nekuti akazvimirira.
Mutauriri weZimbabwe Prison Chief Superintendent Meya Khanyezi vati vanga vasati vanzwa nezvenyaya iyi vakati tivatumire mibvunzo asi vange vasati vapindura pataenda pamhepo.
Your browser doesn’t support HTML5
Hurukuro naVaFreddy Masarirevhu