Red Cross inoti Hamas yasungunura vanhu gumi nevanomwe kubva muGaza vakaendeswa kumauto eIsrael.
Vasungurwa zvizvarwa zvekuIsrael gumi nezvitatu, zvina zvekuThailand uye Israel yasungunura zvizvarwa zvekupalestine makumi matatu nevapfumbamwe.
Chipangamazano chemutungamiri weAmerica VaJake Sullivan vaudza nhepfenyuro yeNBC pachirongwa cheMeet the Press kuti America inofungidzira kuti mwanasikana ane makore mana ari chizvarwa cheAmerica anonzi Abigail Edan ari kusungunurwa. Vabereki vemwana uyu vakaurayiwa musi wa 7 Gumiguru pakatanga Hamas kurwisa muIsrael.
Hamas inonzi yatenda kusungunurawo zvimwe zvizvarwa zveAmerica zviviri pane zvizvarwa makumi mashanu zvanzi zvisungunurwe pachisungurwawo zvizvarwa zana nemakumi mashanu zvekuPalestine.
Zvichakadaro, vanoona nezvehutano muPalestine vanoti mauto eIsrael auraya zvizvarwa zvePalestine zvitanhatu muWest Bank.