Muchirongwa chedu chemagitare chesvondo rino, taita hurukuro nemuimbi aita mukurumbira achiimba musambo weZim Dancehall, Valentine, Simbarashe Choga, anonyanyozivikanwa neremagitare rekuti Van Choga.
Van Choga anoimba ari mumusha weMbare muHarare kunyange hazvo akazvarirwa mumusha weArcadia, akazokurira kuRuwa, uko akadzidza paChiremba Primary School.
Akatanga kuita mukurumbira munguva yedenda reCovid-19.
Anoti matambiro ake anenge ane chisimba kumagungano kwaanoimba achifadza vanhu anokwezva vatereri uye anoti ndicho chinhu chinomupa manyukunyuku mubasa raanoita.
Haisi mimhanzi yake chete inomusiyanisa nevamwe vaimbi. Van Choga anoti mamiriro ebvudzi rake iro akarega richikura kuve refu ndizvo zvimwechete zvaiitwa nababa vake.
Pari zvino ane kambo kake kaanoti ndiko kaari kunetsa kanonzi “Sugar Daddy”. Anoti ari kugadzirira kuburitsa dambareefu rizere mukutanga kwegore.
Tinokupai chimwe chirongwa chemagitare nemusi weChishanu svondo rinouya. Kune vaimbi vanoda kuti titaure navo pachirongwa chedu pano pa studio 7 tibatei pa whatsapp nhamba dzinoti 001 202 465 0318.
Your browser doesn’t support HTML5
Hurukuro na Valentine Simbarashe Choga - Van Choga