Dzimwe nhengo dzebato rinopikisa reCitizens Coalition for Change dzinonzi dzakuvara apo mapurisa apinda nechisimba mudare reparamende kuMt Hampden uko dzange dzichiratidzira kusafara kwadzo nekutoreswa mhiko kwenhengo dzeZanu-PF nomwe nedzimwe mbiri dzechikwata chaVaSengezo Tshabangu vari kuzviti ndivo vakafanobata chigaro chemutauriri webato reTripple C.
Mutungamiri weTripple C VaNelson Chamisa vanoti VaTshabangu havasi nhengo yebato ravo.
Vange vachitoreswa mhiko vanosanganisira VaScoot Sakupwanya veZanu-PF vave kumirira Tafara Mabvuku.
KuMabvuku kune nhengo yeTripple C VaTapfumaneyi Masaya vakapondwa vachitsvaga rutsigiro nevanofungidzirwa kuti vasori nevatsigiri veZanu-PF. Asi mapurisa anoti kupondwa kwavo hakunei nezve matongerwo enyika kunyangwe asati apa humbowo hwacho sezvaainge avimbisa.
Vanokokera bato rinopikisa reTripple C mudare reparamende VaClifford Hlaytwayo vaudza Studio 7 kuti vari kushushikana nekuurayiwa kwaVaMasaya uye kutoreswa mhiko kwevanhu vavati vakasarudzwa zvisiri pamutemo.
Your browser doesn’t support HTML5
Hurukuro naVaClifford Hlatywayo
Asi vanokokera Zanu-PF mudare reparamende VaPupurai Togarepi vati kana veCCC vasiri kuwirirana nezvakaitika vanofnira kuenda kumatare.
Your browser doesn’t support HTML5
Hurukuro naVaPupurai Togarepi