Hurumende iri kuyambira zvakare vemabhizimisi kuti vasakwidza mitengo yezvinhu panguva ino yezororo reKisimusi negoredzva, ichiti iri kushanda nevemaindasitiri kuti zvinhu zvisashaikwa muzvitoro panguva ino yeyezororo.
Mugwaro kuvatori venhau, gurukota rezvemaindasitiri, Amai Sithembiso Nyoni, vakati vemabhizimisi vane zvose zvakakwana zvekutengesera vanhu panguva yezororo reKisimusi.
Vakatiwo mitengo yezvinhu zvakawanda yava nenguva isina kukwidzwa, naizvozvo bazi ravo richange richitarisisa kuona kuti hapana vanokwidza mitengo yezvinhu panguva iyi.
Asi nyanzvi mune zvehupfumi vachidzidzisa paDeVry University, kuOhio muAmerica, Muzvinafundo Elliot Masocha vanoti mashoko egurukota aya anoonekwa sekutyisidzira vemabhizimusi, vachiti zvekutyisidzira vemabhizimisi hazvishande.
Your browser doesn’t support HTML5
Hurukuron naMuzvinafundo Elliot Masocha