Vatsigiri venhengo yebato rinopikisa iri muhusungwa, VaJob Sikhala, vari kuronga kuita gungano rekuratidza rutsigiro rwavo nemusi weMugovera kuChitungwiza senzira yekukurudzira kuti vaburitswe mujeri. Murongi wegungano iri, vari mutauriri wesangano re Free Job Sikhala Campaign, VaObert Masaraure, vanoti gungano iri rine chinangwa chekukurudzira kuremekedzwa kwehutongi hwejekerere pamwe nekuratidza kutsigira VaSikhala.
VaSikhala vakamirira kutongwa pamusoro pemhosva yavari kupomerwa yekupesvedzera mhirizhonga zvichitevera kupondwa kwa muzvare Moreblessing Ali gore rapera.
VaMasaraure vaudza Studio 7 kuti VaSikhala vave chiratidzo chekutsunga, vachiti gungano remusi weMugovera harisi revatsigiri vaVaSikhala chete asi kuti ndere vanhu vose vanotsigira hutongo hwejekerere uye vanoda kuona matare anotonga asina kwaakarerekera.
Your browser doesn’t support HTML5
Hurukuro naVaObert Masaraure.mp3