Mauto eIsrael anonzi awedzera kurwisa kwawo muGaza apo nhaurirano dzekuedza kumisa hondo iri pakati peIsrael neHamas dziri kuenderera mberi.
Ukuwo, matambudziko ekushaikwa kwechikafu nezvikwanisiro muGaza anonzi ari kuwedzera.
Vagari vemuGaza vanonzi vati vaona kurwiswa kwakasimba pachishandiswa zvombo zvemuchadenga, izvo zvakandwa kumaodzanyemba kwedunhu iri pamwe nemuKhan Younis neRafah kuchamhembe kweGaza.
Bazi rezvehutano muGaza, iro riri pasi peHamas, iyo inonzi nehurumende yeAmerica chikwata chinopfurikidza mwero, rinoti zvizvarwa zvePalestine zvingangosvika zviuru makumi maviri zvaurayiwa kubva zvatanga Israel kukanda zvombo muGaza.
Israel inotiwo vanhu chiuru chimwe nemazana maviri vaurayiwawo muhondo iyi kubva zvayatanga musi wa 07 Gumiguru mushure mekunge Hamas yairwisa.