Pope Francis vatanga zuva reKisimusi nhasi nekukurudzira runyararo pasi rose panguva iyo paine kurwisana kunotyisa pakati peIsrael nechikwata cheHamas uye imwe hondo pakati peUkraine neRussia.
Pope vataura pamberi pevatendi vanosvika zviuru makumi matanhatu nemazana mashanu kana kuti 6, 5000 vange vari paSt Peters Basilica kuVatican.
Vachitaura nezvekuzvarwa kwaJesu, Pope Francis vati vari kushushikana kuti munzvimbo yakaberekerwa Jesu yeBethlehem mune hondo zvinoratidza kuramba kutambira zvinomirirwa nemwanakomana waMwari.
Pope vatiwo vatendi havafanire kukanganwa kuti kisimusi inguva yekupemberera kuzvarwa kwaJesu kwete kuda kuraradza nekutenga zvinhu zvinodhura.
Vati zvakakosha kuti vanhu vanowana vapewo varombo zvekudya nenguva yekutaura navo.