Nhasi kwange kuine kusuwa zvikuru munyika sezvo kwaradzikwa vaimbi vaviri vanoti Bob Nyabinde wemusambo weAfro-Jazz naEric Moyo aiimba nziyo dzechitendero nechikwata cheJoyous Celebration Choir.
Moyo aive aine makore makumi mana nemaviri akashaya kuchipatara chePort Elizabeth kuSouth Africa nemusi weChina svondo rapera mushure mekukuvara muhuropi. Akatanga kuita mbiri muna 2008 apo akahwina makwikwi eMNet East and Southern Africa Idols akaitirwa kuKenya.
Nekuda kwechipo chake chekuimba ichi, akabva atanga kuimba nechikwata chekuSouth Africa cheJoyous Celebration Choir uye akavamba chikwata cheVocal Extraordinaire pmawe chete naMkhuli Bhebhe naThebelani Mdlaziba. Eric aradzikwa kumarina eUmvutsha kuBulawayo.
Zvichakadaro, vanhu vakawanda vaunganano kumarinda ekuKwekwe uko kwange kuchiradzikwa Bob “Headmaster” Nyabinde. Nyabinde akashaya nemusi weMogovera kuchipatara cheParirenyatwa muHarare mushure mekurwara kwenguva yakareba nechirwere cheshuga. Ange ave nemakore makumi matanhatu nemasere ekuberekwa.
Nyabinde akaita mbiri yakanyanya paakaburitsa dambarefu rake rekutanga rinonzi Pane Nyaya rine mitakunanzva yakaita saChabuda Hapana uye Mombe Yasamanyika.