Zvinhu hazvina kumira zvakanaka muDRC mushure mesarudzo dzemutungamiri wenyika dzakakundwa nemutungamiri wenyika iyi VaFelix Tshisekedi zvine mutsindo.
VaTshisekedi vakawana zvikamu zvinodarika zvinomwe kubva muzana kana kuti 70%.
Asi vanopikisa vanoti sarudzo idzi dzakabirirwa zvemhando yepamusoro sezvo vamwe vanhu vakatadza kuvhota nekusarongekwa kwekomisheni inoona nezvesardzo.
Nyanzvi munyaya dzezvematongerwo enyika vachishanda nesangano reSouthern Africa Liason Office VaMunjodzi Mutandiri vaudza Studio 7 kuti kubirira sarudzo kunogona kupa kuti hurumende dzipidigurwe nechisimba.
VaTshisekedi ndivo sachigaro weSADC uye vari pakati pevatungamiri venyika vatatu vemuSADC kusanganisira VaFelix Nyusi vekuMozambique naVaCyril Ramaphosa vekuSouth Africa vakauya kuZimbabwe pakugadzwa kwemutungamiri wenyika VaEmmerson Mnangagwa kunyangwe SADC, AU nevamwe vaongorori vesarudzo vati dzakabirwa.