Gurukota rinoona nezvekudyidzana nedzimwe nyika muAmerica VaAnthony Blinken vari kuenda kuMiddle East svondo rino. Nhepfenyuro yeReuters inoti VaBlinken vari kutarisirwa kusimuka nemusi weChina.
VaBlinken vari kutarisirwawo kuenda kuTurkey.Jordan, Qatar, the United Arab Emirates, Saudi Arabia, Egypt neGreece.
Vari kutarisirwawo kuti vaite nhaurirano neIsrael nechikwata cheHamas kuti munyika iyi mukwanise kupihwa vanhu chikafu nemishonga zviri kunetsa kuita parizvino nekuda kwehondo.
Zvichakadaro VaBlinken enbazi ravo vanonzi vari kuyedza kuita nhaurirano kuti vamwe vanhu vakapambwa neHamas vanosvika zana nemakumi maviri nevapfumbamwe vasungunurwe muGaza.
America inoti nyaya yekusungunurwa kwenhapwa iyi inyaya yakakosha zvikuru kwairi.