Mukuru webazi rezvekuchengetedzwa kwemiganhu yeSouth Africa reBorder Management Authority Doctor Mkie Masiapato vashanyira muganhu wenyika yavo neZimbabwe weBeitbridge kunoona kuti zvinhu zvakamira sei sezvo vakawanda vave kutarisirwa kudzokera kuSouth Africa mukupera kwezororo rekisimusi negoredzva.
Vakuru muSouth Africa vanoti pazuva vanhu vanodarika zviuru makumi maviri vari kubatsirwa kupinda munyika iyi. Asi vanoti vadzosera kuZimbabwe vanhu vanodarika mazana maviri vainge vachida kupinda munyika iyi zvisiri pamutemo.
Mutungamiri wesangano rinomiririra vanotenga nekutengesa vachiyambuka miganhu yenyika reInternational Cross-Border Traders Association, VaDennis Juru vaudza Studio 7 kurudzira vanhu kuti vasashandise nzira dzemusango kupinda muSouth Africa sezvo vachigona kuguma vapondwa. Vati vanhu vanofanira kufamba nemagwaro ekufambisa kunyangwe ave kudhura.
Your browser doesn’t support HTML5
Hurukuro naVaDenis Juru