Gurukota rezvekudyidzana kweAmerica nedzimwe nyika, VaAntony Blinken, vasvika muTurkey neMugovera, nzvimbo yavo yekutanga yekumira murwendo rwavo rwemazuva ane chitsama kudunhu re Middle East.
Rwendo rwaVaBlinken kudunhu iri rwauya panguva iyo paine kuzama kwenyika dzakawanda kuti rubatsiro rwukwanise kuendswa kuGaza Strip, iyo yaparadzwa nehondo iri pakati peIsarel neHamas, iyo inonzi nehurumende yeAmerica chikwata chematororo.
Pane kurudzirowo kubva kunyika dzakawanda kuti Israel ideredze kuurayiwa kwevanhuwo zvavo vemu Palestine.
MuIstanbul, VaBlinken vasangana nemutungamiri weTurkey, VaRecep Tayyip Erdogan pamwe negurukota rezvekudyidzana nedzimwe nyika VaHakan Fidan kuti vakurukure nezvingaitwa n Turkey nedzimwe nyika dzemudunhu iri kuderedza gakava pamwe nekugadzirisa nyaya dzerubatsiro dzakonzerwa nehondo yemuGaza.
bazi rezvehutano muGaza rinoti vanhu zviuru makumi maviri nezviviri vafakubva zvakatanga hondo iyi.
Israel inotiwo vanhu chiuru nemazana maviri vakaurayiwa zvakarwiswa nyika iyi neHamas musi wa 07 Gumiguru gore rapera.