Hurumende inoti yatorera matanho zvikoro zviri kumanikidza vabereki kubhadhara mari dzechikoro nemadhora eku America, kudzinga vana vasina kubhadharirwa mari yechikoro uye kubhadharisa mari dzezvimwe zvirongwa zvakaita se iri kunzi “toilet fee”, ne “extra lessons.”
Izvi zvinotevera kushanya kwakaitwa nezuro negurukota rezvedzdzo yepasi va torerayi moyo nevakuru mubazi iri vachiona kuti zvikoro zvavhurwa zvakanaka here munyika.
Zvimwe zvikoro zvabatwa ne mhosva iyi zvinosanganisira Parirewa Primary neSecondary, Kudzanai Primary, Kuredza Primary, Kuwadzana 6 Primary, Allan Wilson High School, Chinhoyi 2 High, Mhanyame Primary, Chirorodziva, Tafara Primary, Helwyn Primary, Biri Primary, Kasimure Primary, Maumbe Primary, Magunje High, Norton Intellect Primary, Strathdon Secondary, Negomo Secondary, Mhuriimwe Secondary, Tendai Primary, Glenview 2 High, Chiri Government uye Hatcliffe High.
Hurumende yakazivisa kare kuti kuti zvikoro hazvifanire kudzinga vana vasina mari kana kubhadharisa mari dzekunze chete.
Mukuru wenational Association of School Development Associations and Committees VaBanny Manokore vanoti zvikoro zvakaomerwawo nezvinhu nekuda kwekushaya simba kwedhora remunyika zvikoro zviri kuomerwawo.
Your browser doesn’t support HTML5
Hurukuro naVaBanny Manokore