Vari kutsigira vaive mutungamiri webato rinopikisa reCitizens Coalition for Change kana kuti CCC, VaNelson Chamisa vari kuenderera mberi nekuita misangano mumatunhu gumi ose enyika.
Nhasi, vari kutungamira hurongwa uhu VaAmos Chibaya vaudza Studio 7 kuti vange vari kuBulawayo uko vasangana nevatsigiri vebato iri.
Your browser doesn’t support HTML5
Hurukuro naVaAmos Chibaya
VaChibaya vati, “Hongu tange titi kuBulawayo uko tasangana nehutungamiri hwebato reCCC tichivazivisa nezvedanho raVahamisa rekubuda mubato vachiti rapindwa napongwe uye rave kutungamira nebato raZanu-PF.
Asi vanoona nezvematongerwo enyika mubato reZanu-PF VaMike Bimha varamba kuti vari kupindira mukuparadza bato reCCC.
Your browser doesn’t support HTML5
Mashoko aVaMike Bimha
VaChibaya vanoti vatambirwa nemufaro nevanhu vemuBulawayo uye musi weChishanu vanenge vachienda kuMashonaland West.
VaChibaya nevaive mutevedzeri wemutauriri webato reCCC VaOstallos Siziba vakatotungamira misangano kwaMutare nemuHarare.