Vamwe vanhu vanodarika mazana mana vamiswa pamberi pedare muChipinge vachipomerwa mhosva yekuramba kutambira kurudziro yehurumende yekuti vabve panzvimbo yemadzitateguru avo kuti pavakwe dhorobha idzva.
Vanhu ava vanogara muward 5, kuChipinge mumusha waMunyokowere pasi paIshe Mutema.
Mapurisa alasunga vanhu ava nemusi weChishanu akati vauye kudare nhasi. Asi dare rati mapurisa haafanire kungoita vanhu vekubata nemambure asi munhu wega wega anofanira kumira nemhosva yake onyorerwa mhosva yake kana kuti "charge sheet"
Your browser doesn’t support HTML5
Hurukuro naAmai Purpose Sithole
Mumazuva mashoma adarika, vanhu vanoda kudarika zviuru zvina vange vari kudzingwa mumisha yavo.
Pasi pemutemo vanhu vanokwanisa kumanikidzwa kutama nehurumende asi vanofanira kupijwa kumwe kwekugara uye mitemo inofanira kutevedzerwa. Kanzuru yeChipinge inoti iri kuda kutora mahekita chiuru chimwe chete kuti ivake dzimba.