Chimwe chizvarwa cheZimbabwe, Amai Rita Nyampinga, vesangano re Females Prisoners Support Trust, vanoti vanotsigira zvikuru ruremekedzo rweInternational Women Of Courage, urwo rwunopihwa kumadzimai epasi rose gore rega rega nebazi reAmerica rinoona nezvekudyidzana nedzimwe nyika.
Mudzimai wemutungamiri weAmerica, Amai Jill Biden, vakabatana nebazi iri vakaremekedza madzimai anobva kunyika dzinoti Morocco, Uganda, Gambia, Aghanistan, Bangledesh, Belarus, Bosnia neHerzegovina, Myanmar, Ecuador, Japan,I ran neNicaragua, vachivarumbidza nemabasa ehushingi avakaita munyika dzavo.
Amai Nyampinga vakawana ruremekedzo urwu mugora ra 2020.
Mamwe madzimai emuZimbabwe akapihwawo ruremekedzo urwu anosanganisira Muzvare Jestina Mukoko naMuzvare Beatrice Mtetwa.
"Ruremekedzo urwu rwakakosha zvikuru kune madzimai pasi rose vanosangana nekushungurudzwa nekusaremekedzwa mumabasa avonoita. Saka ruremekedzo rwuri kupiwa neAmerica urwu rwunosimudzira madzimai mazhinji pasi rose," Amai Nyampinga vaudza Studio 7.
Your browser doesn’t support HTML5
Hurukuro naAmai Rita Nhyampinga