Kukanda nguwani mudariro kwaRobert F. Kennedy achipinda musarudzo yemutungamiri wenyika muna Mbudzi vakazvimirira kwave kukonzera kugeda geda kwemeno mubato remaDemocrats.
Vebato remaDemocrats nehama dzaVaKennedy dziri kutsigira mutungamiri wenyika VaJoe Biden vari kutyira kuti vachaita kuti vaimbova mutungamiri wenyika vari kubato remaRepublicans VaDonal Trump vakunde.
VaKennedy vanova hama yevaimbova mutungamiri wenyika VaJohn Kennedy vari kufungidzirwa kuti vachatora mamwe mavhoti emaDemocrats kubva kunaVaBiden.
VaRobert F. Kennedy Jr. nemudzimai wavo Amai Cherl Hines
VaKennedy vakadomawo Amai Nicole Shanahan, gweta uye mudzimai wemumwe akatanga kambani yeGoogle, VaSegey Brin, semutevedzeri wavo.
Vanoongorora zvematongerwo enyika VaTim Muringai, vanoshanda nesangano reConcerned Citizens Zimbabwe, vaudza Studio 7 kuti mujaho uri pakati paVaTrump naVaBiden asi VaKennedy vanogona kuvashaisa hope sezvo vaine zita kare nekuda kwemhuri yavo.
Your browser doesn’t support HTML5
Hurukuro naVaTim Muringai