Vaimbova mutauriri wedare reparamende muSouth Africa Amai Nosiviwe Mapisa-Nqakula vasungwa nhasi mushure mekumanikidzwa kusiya basa vachipomerwa mhosva dzehuori.
Amai Mapisa Nqakula vabva vazvipira kumapurisa nhasi. Vabva vapomerwa mhosva gumi nembiri dzekuita zvehuori kubva munguva yavainge vari gurukota rezvekudzivirirwa kwenyika.
Vamiswa pamberi pedare muSouth Africa vakapomerwa mhosva dzinosanganisira yekupihwa mari yechiokomuhomwe inosvika zviuru zana nemakumi maviri kana kuti US$120 000.
Amai Mapisa-Nqakula vanzi vabhadhare mari yechibatiso inosvika R50, 000 vakanzi vadzoke kudare musi wa 4 Chikumi. Vanzi vape dare gwaro ravo rekufambisa nekusavhiringidza zvapupu.