Kereke yeUnited Methodist Church inoti yava kubvumidza nekutambira mukereke mayo vafundisi vanoita zvechingochani.
Kwemakore makumi mana, kereke iyi yanga isingatambiri ngochani.
Mumusangano wakaitwa nemusi weChitatu mudunhu reNorth Carolina, muAmerica, vakuru veKereke iyi vakavhota 692 – 51 vachibvuma kubvisa mitemo yekereke yavo yakadzikwa makore anopfuura makumi mana adarika inorambidza hungochani ne vafundisi vanoita zveungochani.
Mufundisi Gladman Kapfumvute, veUnited Methodist Church yemu Maryland, muno muAmerica, vaudza Studio 7 kuti nyaya iyi ihombe zvekuti kana kereke yeUnited Methodist muAmerica ikada kumanikidza vatendi vayo kwese kwese kuti vatambire ngochani, kereke iyi ichatsemuka nepakati sezvaida kuitwa nenhengo dzekereke iyi dziri muAfrica.
Vati munyika dzakawanda muAfrica dzakaita seUganda kune mitemo inototongera rufu vanoita zvehungochani.
Huwandu hwevatendi vekereke iyi muAmerica vari kuramba vachidzikira asi muAfrica mune vatendi vakawanda.
Your browser doesn’t support HTML5
Hurukuro na Mufundisi Gladman Kapfumvute