Zimbabwe yabatana nedzimwe nyika nhasi kucherechedza zuva rekutenda mabasa anobatwa naanaAmai muhupenyu kana kuti Mother’s Day.
Vamwe vanoti iri izuva rekutendawo kana vanaambuya, tete, anaambuya nevamwe vanoita basa raamai muhupenyu.
Vakawanda vataura neStudio 7 vati vatengera anaamai vavo maruva, kuvaendesa kunzvimbo dzekudyira kana kuvatumira mari zvikuru vari kunze kwenyika. Vamwe vati havo vakundikana kutenga zvipo nekuda kwekuoma kwakaita hupenyu.
Zuva iri rine midzi muAmerica kubva muna 1870 apo munyori uye nyanduri Julia Ward Howe akakurudzira kuti paitwe zuva rekuchema nemadzimai ainge arasikirwa nevana nevarume vavo mukurwisana kwaiitika munyika iyi mumakore aya kana kuti “civil war”.
Diana Zimbudzana-Chambara
Amai Diana Zimbudzana Chambara vanoshanda neZimbabwe Exiles Forum vari kuSouth Africa vaudza Studio 7 kuti vana Amai vakakosha uye vanofanira kuremekedzwa mazuva ose.
Your browser doesn’t support HTML5
Hurukuro naAmai Diana Zimbudzana-Chambara