Mutongi wedare repamusoro reHigh Court, Justice Esther Muremba, vazvibvisa mukutongwa kwenyaya yaNeville Mutsvangwa nevamwe vake vaviri vanoti Ellias Majachani naSimbarashe Tichingana, nezvikonzeroro zvavasina kudoma.
Justice Muremba vanga vachitarisirwa neMuvhuro uno kupa mutongo wavo pachikumbiro chaMutsvangwa nevamwe vake chekuti vapiwe mukana wekuti vabvise mari yechibatiso kuitira kuti vatongwe vachibva kudzimba dzavo.
Mutongi vanonzi vati nyaya iyi iendeswe kuhofisi yamabharani weHigh Court kuti ipiwe kune mumwe mutongi asiri ivo.
Nyanzvi yezvemutemo vari munyori mukuru wesangano remagweta reLaw Society Of Zimbabwe, VaEdward Mapara, vanoti havaoni nyaya iyi pame nedzimwe dzevanhuvose vari kupomerwa mhosva yekuchinja mari zvisiri pamutemo sedziri kubatwa zvakanaka kumatare edzimhosva.
Your browser doesn’t support HTML5
Hurukuro naVa Edward Mapara