Mutungamiri wenyika yeSouth Africa VaCyril Ramaphosa vatora mhiko nhasi yekutungamira nyika yeSouth Africa kwemamwe makore mashanu paUnion Buildings Nelson Mandela Amphitheatre, muPretoria.
Your browser doesn’t support HTML5
Mashoko aVaCyril Ramaphosa vachitora mhiko
Asi sezvo bato ravo reANC risina kusvitsa zvikamu zvinosvika makumi mashanu kubva muzana kuti riumbe hurumende, vave kutarisirwa kuumba hurumende yemubataindzwa nemapato anopikisa anoti Democratic Alliance, Inkatha Freedom Party, GOOD nePatriotic Alliance.
VaRamaphosa vati zvakakosha kuti munyika muve nekubatana. Pahurumende yemubatanidzwa vati, “Uku kutanga kwerwendo rwutsva.” Vati kutabana uku kwakakosha mukubatanidza vanhu vemunyika mavo, kuunza runyararo , kugadzikana, kuumba hupfumi husina anosiiwa,kurwisa rusarura ganda uye kuyenzanisa mikana pakati pevanhurume nevanhukadzi.
Vamwe vange vari pakugadzwa kwaVaRamaphosa vanosanganisira mutungamiri wenyika VaEmmerson Mnangagwa, mutungamiri wenyika yeNigeria VaBola Tinibu uye mutungamiri wenyika yeTanzania Amai Samia Suluhu Hassan.
Vatungamiri gumi nevasere vemuAfrica ndivo vange vachitarisirwa pagungano ranhasi.
Nyaya munyaya dzezvematongerwo enyika Muzvinafundo Ricky Mukonza vaudza Studio 7 kuti kubatana uku kwakakosha mukunza budiriro munyika iyi.
Your browser doesn’t support HTML5
Hurukuro naMuzvinafundo Ricky Mukonza