Gungano rebato remaRepublican muAmerica, kana kuti Republican National Convention, riri kutanga neMuvhuro uno mudunhu reMilwaukee apo pachadomwa zviri pamutemo VaDonald Trump semunhu achamirira bato iri musarudzo yemutungamiri wenyika ichaitwa muna Mbudzi gore rino.
Pamusangano uyu, uyo uchaitwa kwemazuva mana kusvika musi weChina, ndipowo pachasarudzwa munhu achatewedzera VaTrump musarudzo, kana kuti running mate.
Izvi zviri kuuya zuva rimwe chete VaTrump vapfurwa muchiitiko chekuedza kuvauraya chakaitika mudunhu rePennsylvania neMugovera.
Vanoongorora zvematongerwo enyika uye vakambove sachigaro webato reZanu PF mudunhu reNorth America, Dr. Frenk Guni, vanoti vanoona sekunge gungano iri richangosimbisa humiriri hwaVaTrump pachitariswa chiitiko cheMugovera ichi.
Dr. Guni vanotiwo vanoona sekunge VaTrump vachangonzi vasarudze munhu wavanoda kushanda naye zvineyi nekuti chii chaachaunza musarudzo iyi sezvinombotariswa mune mimwe misangano yadai.
Asi vanoti pachapera musangano uyu vanoona sekuti mapato maviri makuru anokwikwidzana aya anoti reDemoctratic neRepublican achange achi nakurirana nyoka mhenyu pamusoro pekupfurwa kwaVaTrump.
Nhengo zviuru zveviri nemazana maza ndidzo dzinotarisirwa kupinda mumusangano uyu.
Your browser doesn’t support HTML5
Hurukuro naDoctor Frenk Guni