Mutevedzeri wemutungamiri wenyika yeAmerica Amai Kamala Harris avo vari kukwikwidza musarudzo yemutungamiri wenyika vakamirira bato remaDemocrats nhasi vadoma gavhuna weMinnesota Vatim Walz semutevedzeri wavo pamberi pesarudzo yemutungamiri wenyika iri kuitwa muna Mbudzi.
Vaviri ava vabva vaita musangano wekutsvaga rutsigiro manheru ano kuPhiladelphia.
U.S. Vice President and Democratic presidential candidate Kamala Harris holds rally with vice president pick, in Philadelphia
Zvichakadaro, vakadomwa semutevedzeri na VaDonald Trump veRepublican party, Va JD Vance vari kutsvagawo rutsigiro muPhiladelphia.
Election 2024 Vance
Chimwe chizvarwa che Zimbabwe chinorwira kodzero dzevanhu, chiri mukuru wesangano rePhumulani - Minnesota African Women Against Violence, Muzvare Comfort Dondo avo vanoti vakashanda naVaWalz kakawanda muzvirongwa zvavanoita. Vaudza Studio 7 kuti vafara kuti VaWalz vadomwa kuve mutevedzeri waAmai Harris.
Vanoti VaWalz munhu ane nhoroondo yekushanda nemadzimai nevabvakure vachisimudzira magariro avo muAmerica.
Your browser doesn’t support HTML5
Hurukuro Na Muzvare Comfort Dondo