Nyanzvi munyaya dzezvehupfumi Muzvinafundo Steve Hanke, vakambova chipangamazano chevatungamiri wenyika yeAmerica vane chitsama, vanyora padandemutande ravo reX kuti kukwira kwemitengo yezvinhu kana kuti ‘inflation’ muZimbabwe kunodarika nyika dzose dzepasi rino.
Vati izvi zviri kukonzerwa nekudhinda mari yakawandisa.
Pakukwira kwemitengo kana kuti ‘inflation’ yepagore, VaHanke vati Zimbabwe iri pachiuru chimwe chete nemazana matatu nemakumi masere nemashanu kubva muzana kana kuti 1, 385%.
MuSudan iri kutevera Zimbabwe, uye ine hondo, zvinhu zvakwira nezvikamu mazana matatu nemakumi masere nemaviri kubva muzana kana kuti 352% pagore.
Chipangamazano cheReserve Bank of Zimbabwe VaPersistence Gwanyanya vaudza Studio 7 kuti mitengo yakwira hayo asi kwete zvakanyanya sezviri kutaurwa naVaHanke.
Your browser doesn’t support HTML5
Hurukuro naVaPersistence Gwanyanya
Your browser doesn’t support HTML5
Hurukuro naMuzvinafundo Gift Mugano
Asi imwe nyanzvi munyaya dzezvehupfumi Muzvinafundo Gift Mugano vaudza Studio 7 kuti vanowirirana naVaHanke kuti Zimbabwe yananga kumawerere.